नेपाल मगर महिला संघ बाग्मति प्रदेशको अध्यक्षमा बच्चुमाया निर्वाचित

विदुर खबर २०८० चैत २ गते २२:०९

नुवाकोट । नेपाल मगर महिला संघ बाग्मति प्रदेशको अध्यक्षमा नुवाकोटको बच्चुमाया सुनारी मगर निर्वाचित भएकी छिन् ।

शुक्रवार काभ्रेपलान्चोकमा भएको संघ दोस्रो अधिवेशनले बच्चुमायाको नेतृत्वमा १९ सदस्यीय कार्यसमिति चयन गरेको हो । नेपाल मगर संघ जिल्ला समन्वय समिति नुवाकोटकी समेत अध्यक्ष रहेकी उनी लामो समयदेखि मगर समुदायको हक हितको लागि काम गर्दै आइरहेकी छिन् ।

यस्तै उपाध्यक्षमा धादिङकी उसा थापा मगर चयन भएकी छिन् भने सचिवमा मकवानपुरकी चमेली सिजाली मगर चयन भएकी छिन् । त्यस्तै कोषाध्यक्षमा ललितपुरकी मञ्जु रानामगर चयन भएकी छिन् ।