दुईपिपल महिला साना किसानको अध्यक्षमा पवित्रा घिमिरे

नुवाकोट । नुवाकोटको बेलकोटगढी नगरपालिका वडा नम्बर ६ मा रहेको श्री दुइपिपल महिला सानाकिसानको सहकारीको अध्यक्षमा पवित्रा घिमिरे चयन भएकी छिन् ।

सहकारीको शुक्रवार भएको १० औं बार्षिक साधारणसभा तथा तेस्रो अधिबेशनले घिमिरेको नेतृत्वमा ९ सदस्यीय संचालक समिति र ३ सदस्यीय लेखा सुपरिवेक्षण समिति चयन भएको गरेको हो ।

संचालक समितिको उपाध्यक्ष्मा पार्वती घिमिरे चयन भएकी छिन् भने सदस्यहरुमा सान्नानि अधिकारी नेपाल , सीता गजुरेल, पार्वती सुवेदी, दिलमाया श्रेष्ठ, पार्वती तामाङ, गोमा नेपाल र सीता भुजेल रहेका छन् ।

त्यस्तै लेखा समितिको संयोजकमा अनिशा तामाङ र सदस्यहरुमा शान्ता नेपाल तथा मालति पौडेल रहेका छन् ।

यसैविच श्री दुइपिपल महिला सानाकिसानको सहकारी संस्थाको नबनिर्मित भवनको समुद्धघाटन गरिएको छ । नेपाल कृषि सहकारी केन्द्रिय संघ लिमिटेडका अध्यक्ष खेमबहादुर पाठक र बेलकोटगढी नगरपालिकाका उप प्रमुख शिवप्रसाद दाहालले भवनको उद्घाटन गरेका हुन् ।

कार्यक्रममा जिल्ला सहकारी संघ नुवाकोटका अध्यक्ष गोकर्णनाथ न्यौपाने, बेलकोटगढी नगरपालिका वडा नम्बर ५ का वडाध्यक्ष मदन भुजेले, वडा नम्बर ६ का वडाध्यक्ष अम्बिका तामाङ, कल्लेरी सानाकिसानका मुख्य प्रबन्धक ज्ञान प्रसाद खतिवडा लगायतको उपस्थिति रहेको थियो ।
कार्यक्रममा सफल कृषक व्यावसायी, एक लाख सेयर खरिद गर्ने सदस्यहरु, उत्कृष्ट ब्यक्तिगत बचतकर्ताहरु, बाल बचत, समुह बचत, अन्तर समूह बचत र जग्गा दाताहरुलाई सम्मान गरिएको थियो ।

गत आर्थिक वर्षको अन्तसम्ममा सहकारीले ५८ लाख ४६ हजार ६ सय एक रुपैयाँ नाफा कमाएको छ ।