विदुर ५ मा १३ सय जनाको राष्ट्रिय परिचय पत्रको विवरण संकलन गरियो

नुवाकोट । नुवाकोटको विदुर नगरपालिका वडा नम्बर ५ मा रााष्ट्रिय परिचय पत्रको विवरण संकलन गर्नै काम सम्पन्न भएको छ ।

दुईसाता अघिदेखि सुचारु भएको विवरण संकलन गर्ने काम शुक्रवारदेखि सम्पन्न भएको वडाध्यक्ष लिनानाथ न्यौपानेले जानकारी दिए । उनले झण्डै दुई सातामा झण्डै १३ सय जनाको विवरण संकलन गरेको बताए ।

विदुर नगरपालिकाको अन्य वडाको तुलनामा बढी जनसंख्या भएको कारण झण्डै दुई साता वडामा विवरण संकलन गरिएको उनले बताए । विवरणको लागि पहिलो प्राथमिकता वृद्धवृद्धा र अपाङ्गता भएका व्यक्तिहरुलाई दिएको वडाअध्यक्ष न्यौपानेले जानकारी दिए ।

विदुर नगरपालिका वडा नम्बर ५ रााष्ट्रिय परिचय पत्रको विवरण संकलनको लागि ३ जना खटिएका थिए ।

उनीहरुले दैनिक एकसय जनाको विवरण संकलन गरेको वडासचिव शिवहरि गजुरेलले विदुर खबरलाई जानकारी दिए ।