विदुर ५ मा राष्ट्रिय परिचय पत्र बनाउनेको भिड लाग्यो

नुवाकोट । घर–जग्गा किनवेचदेखि सामाजिक सुरक्षा भत्ता लिन तथा बैकिङ्ग कारोबारमा समेत राष्ट्रिय परिचय पत्रको नम्बर कार्यान्वयनमा ल्याउने सूचना सार्वजनिक भएसंगै विदुर नगरपालिका वडा नम्बर ५ को वडा कार्यालयमा रााष्ट्रिय परिचय पत्र बनाउनेको भिड लागेको छ ।

वडा कार्यालयमा आईतवारदेखि दर्ता अभियान संकलन गर्दा शनिवारसम्म नै राष्ट्रिय परिचयपत्र बनाउनेको अत्यधिक लाग्न थालेको विदुर नगरपालिका वडा नम्बर ५ का वडाध्यक्ष लिलानाथ न्यौपानेले जानकारी दिए ।

उनले वडा कार्यालयले रााष्ट्रिय परिचय पत्रको लागि संकलकहरु घरदैलोमा आएकोले पहिलो प्राथमिकता वुद्धवृद्धा र अपाङ्गता भएका व्यत्तिहरुलाई दिइएको जानकारी दिए ।

त्यस्तै वडा सचिव शिवहरि गजुरेलले तुलनात्मक रुपमा अन्य वडामा भन्दा विदुर ५ मा जनघनत्व अधिक भएका कारण वडामा रााष्ट्रिय परिचय पत्र बनाउनेको भिड लागेको बताए । उनले संकलक टोली आगामी शुत्रवारसम्म विवरण संकलन गर्ने समेत जानकारी दिए ।

विदुर नगरपालिका वडा नम्बर ५ मा शनिवार बेलुकासम्म झण्डै ७ सय ५० जनाले परिचयपत्रका लागि फोटो खिचाएको सचिव गजुरेलले विदुर खबरलाई जानकारी दिए ।

परिचय पत्र बनाउन नामावली संकलन गरेको ८ देखि १२ महिना पछि मात्र परिचय पत्रको कार्ड आइपुग्ने संकलनमा खटिएका संकलकले बताएका छन् ।