आजको मौसम : कोशी, गण्डकी र कर्णालीमा हिमपात, तराईमा हुस्सु

नुवाकोट । अहिले नेपालमा पश्चिमी वायुको आंशिक प्रभाव रहेको छ।

यही प्रभावले सोमबार देशका पहाडी भू-भागमा आंशिक बदली रही बाँकी भू–भागमा मौसम सामान्यतया सफा रहने मौसम पूर्वानुमान महाशाखाले जनाएको छ। तराईका केही स्थानहरूमा हुस्सु/कुहिरो लागेको छ।

सोमबार कोशी, गण्डकी र कर्णाली प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको छ विभागले जनाएको छ।

सोमबार राति भने देशको पहाडी भू-भागमा आंशिक बदली रही देशका बाँकी भू-भागमा मौसम सामान्यतया सफा रहनेछ। कोशी, बागमती, गण्डकी र कर्णाली प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ विभागले जनाएको छ।