नुवाकोटमा करेन्ट लागेर एक सैनिक हवल्दारको मृत्यु

नुवाकोट । नुवाकोटमा करेन्ट लागेर एक सैनिक हवल्दारको मृत्यु भएको छ ।

मृत्यु हुनेमा रामेछाप घर भई हाल विदुर नगरपालिका वडा नम्बर ६ मा रहेको जबरजंग गणमा कार्यरत नेपाली सेनाका हवल्दार रामकुमार कार्की रहेको जिल्ला प्रहरी कार्यालय नुवाकोटले जनाएको छ ।

शनिवार साँझ ६ बजेतिर सेनाको कम्पाउण्डभित्र रहेको विजुलीको तारमा छोएको बाँसलाई समाउँदा उनी करेन्ट लागेर घाइते भएका थिए ।

करेन्ट लागेर घाइते भएका कार्कीलाई उपचारको लागि त्रिशुली अस्पताल लगेपनि उनको मृत्यु भइसकेको थियो ।