लामिबगैचा सामाजिक युवा क्लबको अध्यक्षमा गजुरेल

नुवाकोट । नुवाकोटको विदुर नगरपालिका वडा नम्बर ५ को तल्लो पिपलटारमा रहेको लामिबगैचा सामाजिक युवा क्लबको अध्यक्षमा सुजन गजुरेल चयन भएका छन् ।

शनिवार भएको क्लबको पहिलो अधिवेशनले गजुरेलको नेतृत्वमा निर्विरोध रुपमा कार्यसमिति चयन गरेको हो । क्लबको उपाध्यक्षमा भुवन डंगोल चयन भएका छन् भने सचिवमा समुन माझी, सह–सचिवमा देवेन्द्रमान डंगोल र कोषाध्यक्षमा निर्मला कुमाल चयन भएका छन् ।

त्यस्तै सदस्यहरुमा सुधा कुमाल, साजन मिजार, विराज पनेरु र अष्टमान कुमाल चयन भएका छन् । यस्तै अन्य सदस्यहरुमा कर्णमान कुमाल, भगवती श्रेष्ठ, शुशिला कुमाल र शम्भु कुमाल रहेका छन् ।

२०७६ सालमा स्थापना भएको लामिबगैचा सामाजिक युवा क्लबले विभिन्न समयमा रत्तदान कार्यक्रमको आयोजना गर्नुको साथै कोभिडको समयमा जनचेतनामुलक कार्यक्रम गर्नुको साथै विभिन्न स्वास्थ्य सामाग्री समेत वितरण गरेको थियो भने झण्डै २ सयभन्दा बढीलाई राहात वितरण गरेको थियो ।