नुवाकोटको आप्रबाट १३ क्विन्टल अवैध चिनी बरामद

नुवाकोट । नुवाकोटको पन्चकन्या गाउँपालिका वडा नम्बर २ आप्रबाट अवैध रुपमा ल्याइएको १३ क्विन्टल चिनि प्रहरीले वरामद गरेको छ ।

मंगलवार राती ९ बजेतिर ईलाका प्रहरी चौकी खरानीटारबाट गएको प्रहरीको टोलीले अवैध रुपमा ल्याइएको चिनि बरामद गरेको हो । वरामद गरिएको चिनि ५० किलोको २६ वोरा रहेको छ ।

आप्रबाट छहरेतर्फ गईरहेको गाडीमा अवैध रुपमा ल्याइएको चिनि भेटिएको खरानीटार प्रहरी चौकीका इस्पेक्टर सुरज बानियाँले जानकारी दिए । वरामद गरिएको चिनिको विल ल्याउन चालकलाई भनेपनि ल्याउन नसकेको बाँनियाले बताए ।
चिनिको विल ल्याउन चालक दिपेश मानन्धरलाई भन्यौ, तर अहिलेसम्म पनि ल्याउन सकेका छैनौ, बानियाँले विदुर खबरसँग भने, अव यो चिनि राजस्व कार्यालयलाई बुझाउँछौ ।

गाडीसहित चालकलाई नियन्त्रणमा लिएर अनुसन्धान शुरु गरेको जिल्ला प्रहरी कार्यालय नुवाकोटले जनाएको छ ।

यसैविच वरामद गरिएको चिनि र चालकलाई जिल्ला प्रहरी कार्यालय ल्याउने तयारी गरिएको छ । यस विषयमा थप अनुसन्धान गरिरहेको जिल्ला प्रहरी कार्यालय नुवाकोटका सुचना अधिकारी समेत रहेका डिएसपी खगेन्द्र वहादुर खड्काले जानकारी दिए ।