पाँच दिनभित्र सामाजिक सुरक्षा भत्ता वितरण गरिसक्न गाउँपालिका अध्यक्षको निर्देशन

नुवाकोट । नुवाकोटको तारकेश्वर गाउँपालिकाका अध्यक्ष शिव अधिकारीले आगामी असोज २८गते आईतवार सम्ममा सामाजिक सुरक्षा वापतको रकम वितरण गरिसक्न निर्देशन दिएका छन् ।

मंगलवार गाउँपालिकाका अध्यक्ष अधिकारीले एक विज्ञप्ती जारी गर्दै आईतवार २८ गतेभित्र वृद्ध भत्ता वितरण गरिसक्न निर्देशन दिएका हुन् ।

अध्यक्ष अधिकारीले जेष्ठ नागरिक आमा वुवाहरुलाई सहज रुपमा चाडपर्व मनाउन सजिलो होस भन्ने उदेश्यले आईतवारसम्ममा सामाजिक सुरक्षावापतको रकम उपलब्ध गराउन पञ्जीकरण शाखालाई निर्देशन दिएका हुन् ।

अध्यक्ष अधिकारीले अध्यक्षसँग ज्येष्ठ नागरिक कार्यक्रम समेत सम्पन्न गर्न आग्रह गरेका छन् । उनले असोज २६, २७ र २८ गते वडा वडामा सक्रिय रूपमा खटिएर सहयोग र सहजीकरण गरिदिन वडा अध्यक्षहरूलाई समेत आग्रह गरेका छन् ।

तारकेश्वर गाउँपालिकामा अध्यक्षसँग ज्येष्ठ नागरिक कार्यक्रम अन्तर्गत गाउँपालिकाले ३÷३ महिनामा वडा वडामा कार्यक्रम गरी सामाजिक सुरक्षा भत्ता वितरणसँगै ज्येष्ठ नागरिकहरूको निःशुल्क स्वास्थ्य परीक्षण र औषधी वितरण गर्दै आएको छ ।