टोखा–छहरे सुरुङमार्गले नुवाकोटको विकास कायापलट गर्छ : अर्थमन्त्री डा. महत

नुवाकोट । अर्थमन्त्रि डा. प्रकाशशरण महतले टोखा–छहरे सुरुङमार्गले नुवाकोटको कायापलट गर्ने बताएका छन् ।

शनिवार नुवाकोटको विदुरमा नेपाली कांग्रेस नुवाकोटद्धारा आयोजित तिजको शुभकामना आदानप्रदान कार्यक्रममा बोल्दै अर्थमन्त्रि डा महतले टोखा–छहरे सुरुङमार्ग निर्माण भएमा काठमाण्डौ र नुवाकोटको दुरी कम मात्रै नहुने भन्दै नुवाकोटको कायापलट हुने बताए ।

उनले टोखा–छहरे सुरुङमार्गको निर्माण भएमा काठमाण्डौमा रोजगार, व्यवसाय र शिक्षाको लागि नुवाकोटबाटै आवतजावत गर्न सकिने दाबी गरे । डा ः महतले सरकारले नुवाकोटको विदुरदेखि मैलुङ हुँदै रसुवागढी सडकलाई फराकिलो बनाउने काम गरिरहेको बताए ।

उनले गल्छी–त्रिशुली–मैलुङ–रसुवागढी सडक निर्माणपछि नुवाकोटलाई व्यापारीक केन्दको रुपमा सरकारले विकसति गर्न खोजेको बताए ।

फरक प्रसंगमा अर्थमन्त्रि डा. प्रकाशशरण महतले पछिल्लो समय समाज परिवर्तनशील हुँदै गएको भन्दै विकासको अगुवाइ महिलाहरुले गर्नु पर्ने उल्लेख गरे । उनले महिलाहरु अगाडि बढेर नेतृत्व लिनुपर्ने भन्दै गाउँको विकासमा महिलाहरुले नेतृत्व लिन अग्रसर हुनुपर्ने समेत बताएका छन् ।

कार्यक्रममा बाग्मति प्रदेशका आर्थिक मामिला तथा योजना मन्त्रि बहादुरसिंह लामाले तिज पर्वले महिला दिदिवहिनीहरुलाई भेटघाटको वातावरण निर्माण गर्नुको साथै सबैमा भावनात्मक सम्बन्ध गास्ने बताए ।

कार्यक्रममा नेपाली कांग्रेस नुवाकोटका जिल्ला सभापति रमेशकुमार महतले सरकारले गरेका राम्रो कामको सबैले प्रचारप्रसार गर्नुपर्ने बताए । उनले जिल्लाको समग्र विकासमा सबैको सामुहिक प्रयास आवश्यकता रहेको उल्लेख गरे ।