नुवाकोटका प्रहरी प्रमुख पण्डित सम्मानित

नुवाकोट । नुवाकोटका प्रहरी प्रमुख रमेश पण्डित उत्कृष्ट काम गरेको भन्दै सम्मानित भएका छन् ।

बिहिवार प्रदेशको राजधानी हेटौडामा बाग्मति प्रदेश प्रहरी कार्यालयद्धारा आयोजित एक कार्यक्रममा पण्डित सम्मानित भएका हुन् ।

आर्थिक बर्ष २०७९।०८० मा गरेको काम आधारमा उनलाई सम्मान गरिएको बाग्मति प्रदेश प्रहरी कार्यालयले जनाएको छ ।

आर्थिक बर्ष २०७९।०८० मा बागमती प्रदेश प्रहरी प्रमुख र बागमती प्रदेश अन्तर्गतका जिल्ला प्रहरी कार्यालय प्रमुखहरुबीच भएको बार्षिक कार्य सम्पादन सम्झौतामा उल्लेखित सूचकहरुको कार्यान्वयनको आधारमा जिल्ला प्रहरी कार्यालय नुवाकोटबाट भएको समग्र कामको मुल्याङ्कनको आधारमा पण्डितलाई सम्मान गरिएको हो ।