तारकेश्वरको भिरपानी–कुवापानी–मझुवा–भमरा सडकखण्डको स्तरोन्नति प्रक्रिया सुरु

नुवाकोट । नुवाकोटको तारकेश्वर गाउँपालिकाले पछिल्लो समय पुर्वाधारको क्षेत्रमा विशेष ध्यान दिइरहेको छ ।

यसैक्रममा बुधवारदेखि भिरपानी–कुवापानी–मझुवा–भमरा सडकखण्डको कालोपत्रे सहितको स्तरोन्नति प्रक्रिया सुरु भएको छ ।

तारकेश्वर गाउँपालिका वडा नम्बर ६ को भिरपानी–कुवापानी–मझुवा–भमरा सडकखण्डको स्तिरोन्नति प्रक्रिया सुरु भएको गाृउँपालिकाका अध्यक्ष शिव अधिकारीले जानकारी दिए ।

आज गाउँपालिका अध्यक्ष शिव अधिकारी र उपाध्यक्ष हरि प्रसाद रिमालसँगै गाउँपालिकाको प्राविधिक टोलीले सडकको प्रारम्भिक सर्वेक्षण गरेको छ ।

बाक्लो बस्ती रहेको मझुवा र कुवापानी आसपासको क्षेत्रमा कालोपत्रे, बाँकी खण्डमा ग्रावेल र ठाउँ ठाउँमा काचवे र वाल निर्माण गरी सडक स्तरोन्नति गर्ने योजना गाउँपालिकाले बनाएको छ ।

संघीय सरकारको ७० लाख र गाउँपालिकाको ७० लाख रुपैयाँ सो सडक निर्माण हुने बताइएको छ ।