घिमिरेको जन्मदिनमा बृद्धबृद्धाहरुलाई लौरो उपहार

नुवाकोट । नुवाकोटको तारकेश्वर गाउँपालिका वडा नम्बर १ कात्तिकेका समाजसेवी सुदिप घिमिरेले आफ्नो जन्मदिनको अवसर पारेर बृद्धबृद्धाहरुलाई लौरो उपहार दिएका छन् ।

आफ्नो २८ औ जन्मदिनको अवसर पारेर घिमिरेले विदुर नगरपालिकाका ५३ जना बृद्धबृद्धाहरुलाई साहाराको लागि (मेटल फोल्डिङ स्टीक) लौरो एक÷एक सेट वितरण गरेका हुन् ।

घिमिरेले बृद्धबृद्धाहरुको लागि बुढेसकालको साहारा लौरो बनोस् भन्ने हेतुले आफ्नै व्यत्तिगत खर्चमा लौरो वितरण गरेको जानकारी दिए । सुलभ फार्मेसी बट्टारमा एक कार्यक्रमको आयोजना गरि घिमिरेले लौरो वितरण गरेका हुन् ।

उनले आगामी दिनमा पनि गरिव असहाय तथा बृद्धबृद्धाहरुको लागि सामाजिक काममा सक्रिय रहने घिमिरेले प्रतिबद्धता व्यक्त गरे ।  घिमिरे लामो समयदेखि व्यवसाय सँगसँगै समाजसेवामा लागि परेका छन् ।

उनले कोरोना कहरमा विरामीहरुलाई निशुल्क अक्सिजन वितरण गर्नुको साथै विभिन्न स्थानमा स्वास्थ्य शिविर समेत आफ्नै व्यत्तिगत खर्चमा गर्दै आइरहेका छन् ।