मगर संघ नुवाकोटको अध्यक्षमा बच्चुमाया

नुवाकोट । नेपाल मगर संघ जिल्ला कार्यसमिति नुवाकोटको अध्यक्षमा बच्चुमाया सुनारी मगर निर्विरोध निर्वाचित भएकी छिन् ।

शनिवार विदुरमा भएको सातौ जिल्ला अधिबेशनबाट बच्चुमायाको अध्यक्षतामा २१ सदस्यीय कार्य समिति निर्विरोध निर्वाचित भएको हो ।

संघको उपाध्यक्षमा रामकुमार थापा मगर चयन भएका छन् भने सचिवमा भरत पुलामी मगर निर्वाचित भएका छन् ।

त्यस्तै सह–सचिवमा जीवन आले मगर (श्रीकृष्ण) तथा कोषाध्यक्षमा रोजिना सिजाली मगर चयन भएको निर्वाचन समितिले जनाएको छ ।

कार्यक्रममा नेपाल मगर संद्दका केन्द्रिय सचिव बिनिता आले मगर लगायतको उपस्थिति रहेको थियो ।