भोलिदेखि काठमाडौं उपत्यकामा सार्वजनिक यातायात ठप्प

नुवाकोट । आन्दोलनरत यातायात मजदुरहरुले काठमाडौं उपत्यकामा मंगलबार सार्वजनिक यातायात बन्द घोषणा गरेको छ ।

नेपाल यातायात स्वतन्त्र मजदुर संगठन, अखिल नेपाल यातायात मजदुर संघ र नेपाल यातायात मजदुर संघले संयुक्त रुपमा सार्वजनिक यातायात बन्दको आह्वान गरेको हो ।

स्वतन्त्र मजदुर संगठनले सरकारले माग सम्बोधन नगरेको भन्दै देशभर आन्दोलन गर्ने बताएको हो । सोहि अनुरुप सरकार विरुद्ध यातायात मजदुर संगठनले आजदेखि माछापोखरी क्षेत्रबाट आन्दोलन सुरु गरेका छन ।

नेपाल यातायात स्वतन्त्र मजदुर संगठनका अध्यक्ष भीमज्वाला राईले भोलिबाट काठमाडाैं उपत्यका लगायत देशैभर आन्दोलन गर्ने बताए ।

‘हामीले यातायात मन्त्री नारायणकाजी श्रेष्ठलाई भेटेर यातायात मजदुरले माग सम्बोधन गर्न १५ दिनको अल्टिमेटम दिएका थियौं’ उनले भने ‘मागसँगै आज लोत्चे सहकारीले यातायात मजदुरलाई कुटपिट गरेर आन्दोलत थप चर्किएकाे हो’ ।