लायन बचत तथा ऋण सहकारीको पन्ध्रौ वार्षिक साधारणसभा सम्पन्न

नुवाकोट । नुवाकोटको विदुर नगरपालिका वडा नम्बर २ मा रहेको लायन बचत तथा ऋण सहकारी संस्था लिमिटेडको १५ औ वार्षिक साधारण सभा सम्पन्न भएको छ ।

शनिवार विदुर नगरपालिकाका मेयर राजन श्रेष्ठले साधारणसभाको उद्घाटन गर्दै सहकारीले छोटो समयमै ठुलो छलाङ मारेको भन्दै खुशी व्यक्त गरे ।

उनले नगरपालिकाभित्र एउटै प्रकृतिको सहकारीको संख्या बढेको भन्दै सहकारीहरुको गु्णात्मक बृद्धिको लागि मर्ज निति ल्याइने बताए । उनले न्युन आय भएका सदस्यहरुको आर्थिक हितका लागि सहकारीले महत्वपूर्ण भूमिका खेल्न सक्ने बताए । मेयर श्रेष्ठले सहकारीको तिनखम्बे निति अनुसार काम गर्न सके कुनैपनि सहकारीले समस्या भोग्नु नपर्ने समेत बताए ।

साधारणसभाले संस्थाका अध्यक्ष कुवेरमान श्रेष्ठले प्रस्तुत गरेको गत आर्थिक वर्ष २०७८÷७९ को वार्षिक प्रतिवेदन तथा आ.व वर्ष २०७९÷८० निति तथा कार्यक्रम पारित गरेको छ । अध्यक्ष श्रेष्ठले प्रस्तुत गरेको गत वर्षको आर्थिक प्रतिवेदन अनुसार संस्थाले गत आर्थिक वर्ष सम्ममा १ हजार २ सय ५७ जना सेयर सदस्यवाट २ करोड ३३ लाख ३४ हजार २ सय रुपैयाँ सेयर पुँजी रहेको छ ।

यस्तै, कोषाध्यक्ष धुव्र ढकालले प्रस्तुत गरेको आर्थिक प्रतिवेदन अनुसार संस्थाले गत आवमा १३ करोड ४५ लाख ५२ हजार ५ सय ५८ रुपैयाँ बचत संकलन गरेको बताए । उनले गत आवमा सहकारीले ९ करोड ७१ लाख ६० हजार ८ सय २९ रुपैया ऋृण लगानी गरेको जानकारी दिए । कार्यक्रममा राष्ट्रिय सहकारी वैंकका नुवाकोटका प्रदिप अर्यालले प्रतिनिधि सहकारी संघसंस्था सहकारी बंैकको सेयर सदस्य समेत रहने भएकोले आफ्नो आर्थिक कारोवार सहकारी बैंक मार्फत नै गर्नुपर्नेमा जोड दिए ।

साधारणसभामा सहकारीले संस्थाका जेष्ठ सेयर सदस्य, उत्कृष्ट कारोवार गर्ने सदस्यहरुलाई समेत सम्मान समेत गरेको छ ।