पञ्चकन्यामा एक पुरुष मृत फेला

नुवाकोट । नुवाकोटको पञ्चकन्या गाउँपालिका-३ का एक स्थानीय नालीमा डुबेको अवस्थामा मृत फेला परेका छन् । 

घरभन्दा केही पर खानेपानी धारा नजिकको नालीमा टाउको घोप्टिएको अवस्थामा अन्दाजी ३५ वर्षीय सरोज तामाङ मृत फेला परेको पञ्चकन्या गाउँपालिकाका अध्यक्ष तेजबहादुर तामाङले जानकारी दिए । ती पुरुष भवन निर्माणसम्बन्धी मजदुरी गर्दै आएका थिए ।

शव प्रहरीले पोस्टमार्टमका लागि जिल्ला अस्पताल त्रिशूली पठाएको जनाएको छ ।