किशोर थापाले पनि छाडे विवेकशील साझा

नुवाकोट । २०७४ सालको स्थानीय तहको निर्वाचनका काठमाडौं महानगरपालिकाको मेयरका उम्मेदवार रहेका किशोर थापाले पनि विवेकशील साझा पार्टीबाट राजीनामा दिएका छन्।

पार्टीको केन्द्रीय सदस्य रहेका थापाले पार्टी अध्यक्ष समीक्षा बास्कोटासमक्ष राजीनामा दिएका हुन्। थापाले असोज ४ गतेको मिति राखेर पार्टी अध्यक्ष बास्कोटालाई बुझाएको राजीनामा पत्र सार्वजनिक भएको छ। उनले सोही दिन (असोज ४ गते)देखि नै लागू हुनेगरी राजीनामा दिएको उक्त पत्रमा उल्लेख गरेका छन्।