लिखुमा वडाकप फुटवल प्रतियोगिता हुने, विजेताले खशी पाउने

नुवाकोट । दशैको अवसर पारेर नुवाकोटको लिखु गाउँपालिकामा आगामी असोज ११ गतेदेखि वडा कप फुटवल प्रतियोगिता हुने भएको छ ।

लिखुको गड्खार जनजागरण युवा क्लबको आयोजनामा हुने प्रतियोगिताको विजेताले घोर्ले खशी, मेडल र प्रमाणपत्र पाउने छन् । यस्तै दोस्रो हुनेले दाह्री बोका, मेडल र प्रमाणपत्र पाउने आयोजकले जनाएको छ ।

क्षेत्रपाल क्याम्पसको मैदानमा हुने प्रतियोगिताको उत्कृष्ट गोलकिपर र सर्वाधिक गोलकर्तालाई समेत मेडल र प्रमाणपत्र वितरण गरिने आयोजक गड्खार जनजागरण युवा क्लबले जानकारी दिएको छ ।

टिम दर्ता शुल्क ५ हजार रुपैयाँ राखिएको छ ।