नुवाकोटको देवीघाट–गल्छी सडकखण्ड अवरुद्ध

नुवाकोट । मंगलवार साँझ आइचरको ठक्करबाट मृत्यु भएका बेलकोटगढी नगपालिका वडा नम्बर ७ का वीरेन्द्र कुँवरका आफन्तले घटनाको दोषीलाई कारवाही र मृतकमा आफन्तलाई क्षतिपुर्तीको माग गर्दे गल्छी–त्रिशुली सडकखण्ड अवरुद्ध पारेका छन् ।

सडक अवरुद्ध हुँदा त्रिशुली–गल्छी सडकखण्ड पुर्ण रुपमा ठप्प भएको भने भने यातायातका साधनहरु गगटे–छहरे–टोखा सडकबाट गुडिरहेका छन् ।

हिजो साँझ आईचरको ठक्करबाट गम्भीर घाइते भएका अर्का एक जनालाई उपचारका लागि काठमाडौं लागिएको छ । महादेवफाँटस्थित बा २० च ९४४२ नम्बरको कार सडक छेउमा रोकेर त्यसबाट ओर्लन लागेका दुई जनालाई आईचरले ठक्कर दिएको थियो । ।

आईचरको ठक्करबाट बेलकोटगढी नगरपालिका वडा नम्बर ७ का ५५ वर्षीय कुँवरको घटनास्थलमै मृत्यु भएको थियो भने ४८ वर्षीय राजेन्द्र राई गम्भीर घाइते भएको नुवाकोट प्रहरी प्रमुख प्रहरी उपरीक्षक रमेश पण्डितले बताए । उनको अवस्था गम्भीर रहेको छ ।

घटनापछि बेलकोटगढी–५ केउरिनी भन्ने स्थानबाट आइचरलाई नियन्त्रणमा लिएर स्थानियलेआगो लगाइदिएका छन ।

अहिले गल्छी–रसुवागढी अन्तर्राष्ट्रिय राजमार्गको देवीघाट–गल्छी सडकखण्ड पूर्णरूपमा ठप्प छ ।