नुवाकोटमा आइचरको ठक्करबाट एकजनाको मृत्यु
नुवाकोटको बेलकोगढी नगरपालिका वडा नम्बर ७ महादेवफाँटमा आईचरले पदैल यात्रुलाई ठक्कर दिँदा एक जना पैदल यात्रुको घटनास्थलमा नै मृत्यु भएको छ ।
मृत्यु हुनेमा बेलकोगढी नगरपालिका वडा नम्बर ७ महादेवाफाँटका विरेन्द्र कुवर रहेको जिल्ला प्रहरी कार्यालय नुवाकोटले जनाएको छ । नुवाकोटबाट गल्छीतर्फ जाँन लागेको बा ३ ख १६४ नम्बरको आइचरले बाटो हिँडिरहेका कुवर र राईलाई ठक्कर दिएको स्थानियले बताएका छन् ।
दुर्घटनामा अर्का पैदल यात्री नुवाकोटको बेलकोटगढी नगराापालिका वडा नम्बर ७ कै राजेन्द्र राई गम्भीर घाइते भएका छन् । उनको स्थानिय अस्पतालमा सामान्य उपचार गरेपछि काठमाण्डौको बि एन्ड बि अस्पताल रिफर गरिएको प्रहरीले जनाएको छ । उनको अवस्था जटिल रहेको प्रहरीले बताएको छ ।
दुर्घटनापछि स्थानियले आईचर तोडफोड गरेर आगजनी गरेका छन् भने दोषीलाई कारवाही र घाइते र मृतकका आफन्तलाई क्षतिपुर्तीको माग गर्दै प्रर्दशन गरिरहेका छन् ।
प्रहरीले चालकलाई नियन्त्रणमा लिएर अनुसन्धान शुरु गरेको बताएको छ ।
- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना
प्रतिक्रिया