नुवाकोट क्षेत्र नम्बर १ माओवादी, क्षेत्र नम्बर २ कांग्रेसलाई

नुवाकोट । सत्तारुढ कांग्रेस र माओवादी केन्द्रबीच ४ मंसिरको प्रतिनिधिसभा र प्रदेशसभा निर्वाचनमा नुवाकोटमा  प्रतिनिधिसभाका दुईमध्ये एक/एक क्षेत्र लिने सहमति भएको छ ।

सिट बॅाडफॅाटका लागि गठित कार्यदलमा त्यसबारे करिब सहमति भएको कार्यदलका एक सदस्यले जानकारी दिए ।                   उनका अनुसार क्षेत्र नम्बर-१ माओवादी र २ कॅाग्रेसले लिने करिब सहमति भएको छ ।

०७४ को निर्वाचनमा क्षेत्र नम्बर-१ मा माओवादीका हितबहादुर तामागं र २ मा एमालेका नारायणप्रसाद खतिवडा निर्वाचित भएका थिए । माओवादीबाट पुनः हितबहादुर उम्मेदवार बन्ने करिब पक्काजस्तै छ ।

क्षेत्र २ बाट कॅाग्रेस नेता अर्जुननरसिंह केसीको दाबी छ । ०४८ सालदेखि सोही क्षेत्रबाट चुनाव लड्दै आएका केसी अघिल्लो निर्वाचनमा बाम गठबन्धनका कारण एमालेका खतिवजासॅग पराजित भएका थिए ।

नुवाकोट क्षेत्र नम्बर १ मा कांग्रेसका प्रवक्ता डा. प्रकाशशरण महतल दाबी गरिरहेका छन् । माओवादीका हित वहादुर तामाङलाई समानुपातिकतर्फ वस्न लगाएर डा. महत क्षेत्र नम्बर १ बाट चुनाव लड्ने तयारी गरिरहेका छन् ।