कांग्रेसले साउन ३० र ३१ मा जनप्रतिनिधिलाई प्रशिक्षण दिने

नुवाकोट । नेपाली कांग्रेसले साउन ३० र ३१ गते स्थानीय तहका जनप्रतिनिधिलाई प्रशिक्षण दिने भएको छ।

आज बालुवाटारमा बसेको पार्टी पदाधिकारी तथा पूर्वपदाधिकारी बैठकले प्रमुख र उपप्रमुख तथा अध्यक्ष र उपाध्यक्षलाई प्रशिक्षण दिने निर्णय गरेको हो।

पार्टीबाट उम्मेदवार भई स्थानीय तहमा प्रमुख तथा उपप्रमुख र अध्यक्ष तथा उपाध्यक्ष जितेका जनप्रतिनिधिलाई प्रशिक्षण दिने गरी मिति तय गरिएको सहमहामन्त्री जीवन परियारले बताए।

कांग्रेसले २०७४ को निर्वाचनपछि पनि जनप्रतिनिधिलाई प्रशिक्षण दिएको थियो। सरकार सञ्चालन लगायत विषयबारे जनप्रतिनिधिलाई कांग्रेसले प्रशिक्षण दिन लागेको छ।