मुग्लिन–नारायणगढ सडकखण्ड दुईतर्फी सूचारु

नुवाकोट । मुग्लिन :  पुनः पहिरो झरेका कारण बिहान २ः३० बजेबाट अवरुद्ध भएको मुग्लिन–नारायणगढ सडकखण्ड दुईतर्फी सूचारु भएको छ ।

केराबारीमा झरेको पहिरो करिब ६ घण्टा लगाएर पन्छाई अहिले बिहान ९ः१० बजेबाट दुईतर्फी सूचारु भएको छ ।

उक्त सडकखण्डमा सोमबार ११ बजे राति देखि पहिरो गएर अवरुद्ध भएको थियो र २३ घण्टापछि गएराति करिब पौने १० बजेबाट सूचारु भएको थियो।

तर बिहान २ः३० बजे पुनः पहिरो गएपछि अवरुद्ध भएको थियो।