चितवनमा माइक्रोवस दुर्घटना हुँदा नुवाकोटका ४ घाइते

नुवाकोट । चितवनको नारायणगढ–मुग्लिन सडक खण्ड अन्तर्गत भरतपुर–२९, स्थित भोर्लेमा माइक्रो बस दुर्घटना हुँदा नुवाकोटका ४ जना घाइते भएका छन् ।

घाइते हुनेमा विदुर—६ का जीवन कुमाल, सनिसा अधिकारी, लिखु गाउँपालिका वडा नम्बर २ का सुवास नेपाल र ककनी गाउँपालिका वडा नम्बर ८ का उपेन्द्र भण्डारी रहेका छन् ।

उनीहरुको अवस्था सामान्य रहेको जिल्ला प्रहरी कार्यालय चितवनले जनाएको छ ।  घाइतेहरुको अहिले चितवन मेडिकल कलेज भरतपुरमा उपचार भइरहेको प्रहरीले जनाएको छ ।

उनीहरुको अवस्था सामान्य रहेको प्रहरीले जनाएको छ ।  दुर्घटनामा विभिन्न जिल्लाका १४ जना समेत घाइते भएका छन् ।