यसपटक विदुर कब्जा गर्छौ : बहादुरसिंह लामा

नुवाकोट । नेपाली कांग्रेसका केन्द्रिय सदस्य तथा युवा नेता बहादुरसिंह लामाले नेपाली कांग्रेसले कुनैपनि हालतमा यो चुनावमा कांग्रेसले विदुर नगरपालिका कब्जा गर्ने बताएका छन् ।

आईतबार विदुरमा आयोजित पार्टी प्रवेश कार्यक्रममा बोल्दै लामाले कुनैपनि हालतमा कांग्रेसले यो पटक विदुर नगरपालिका कब्जा गर्ने बताएका छन् । लामाले लामो समय कम्युनिष्ट पार्टीले नगरपालिकाको नेतृत्व गर्दा विकास निर्माणको काम आफ्नो मान्छेको गाउँटोलमा मात्र सिमित भएकोले सबै गाउँ र क्षेत्रको विकास गर्न नगरपालिकामा कांग्रेसकोनेतृत्व स्थापित हुनुपर्ने बताए ।

उनले २०७४ सालमा नगरपालिकामा एमालेले जित्दा निरंकुशता हाबी भएको समेत उल्लेख गरे । लामाले नुवाकोटको तीन स्थानिय तह विदुर नगरपालिका, बेलकोटगढी नगरपालिका र तारकेश्वर गाउँपालिकामा आवश्यकता र औचित्यताको आधारमा तीन दलहरुबी गठबन्धन भएको बताए ।

उनले गठबन्धनमा रहेका दलहरुका उम्मेद्धवारहरुलाई विजयी गराउनु सबैको कर्तव्य भएकोले सबै दलहरु गठबन्धनप्रति ढुक्क हुनुपर्ने बताए ।