धादिङका दुई वडामा एकल उम्मेदवारी

नुवाकोट ।  धादिङको दुई वटा स्थानीय तहको दुई वडाहरुमा एकल उम्मेदवारी परेका छन् ।

जिल्लाको खनियाबास गाउँपालिका वडा नं ४ र गंगाजमुना गाउँपालिका वडा नं ४ मा एकल उम्मेदवारी परेको हो । 

खनियावास गाउँपालिका वडा नं ४ को दलित महिला सदस्यमा नेपाली कांग्रेसको तर्फबाट बिमला नेपालीको मात्र मनोनयन दर्ता भएको हो ।

त्यस्तै गंगाजमुना गाउँपालिका वडा नं ४ को वडा सदस्यमा नेकपा एमालेबाट रत्नमाया घलेको मात्र मनोनयन दर्ता भएको निर्वाचन कार्यालय धादिङले जनाएको छ ।