नुवाकोटको दुई पालिकामा दलित महिला सदस्य निर्विरोध

नुवाकोट । स्थानीय तह निर्वाचनको लागि बेलकोटगढी नगरपालिका र म्यागङ गाउँपालिकामा दलित महिला सदस्यमा एक/एक जनाको मात्रै उम्मेदवारी परेका छन् ।

बेलकोटगढी वडा १ मा ठूलीकान्छी नेपाली र म्यागङ वडा ६ मा कमला बिकको उम्मेदवारी परेको हो । नेपाली नेकपा एकीकृत समाजवादी र बिक नेपाली कांग्रेसबाट उम्मेदवार बनेका हुन् । दुवैलाई निर्विरोध घोषणा गर्नमात्र बाँकी रहेको निर्वाचन कार्यालयले जनाएका छन् ।

जिल्लाको १२ वटै स्थानीय तहमा आइतबार र सोमबार गरी २ हजार ८७ जनाको उम्मेदवारी परेको जिल्ला निर्वाचन कार्यालयका प्रमुख जयप्रसाद गौतमले बताए ।

जिल्लामा २ नगरपालिका, १० गाउँपालिका र ८८ वटा वडा छन् ।