एमालेबाट विदुरको मेयरमा पुन पण्डित

नुवाकोट । आगामी वैशाख ३० गते हुने स्थानिय निर्वाचनमा विदुर नगरपालिकाको मेयरमा सञ्जु पण्डित दोहोरीने भएका छन् ।

नेकपा एमाले प्रदेश कमिटिको बैठकले विदुर नगरपालिकाको मेयर पण्डितलाई पुन दोहोराउने निर्णय गरेको हो । पण्डित नेकपा एमालेको जिल्ला कमिटिका सदस्य हुन् । मेयरको रुपमा पाँच वर्ष काम गरेका पण्डितले विकासप्रेमी नेताको रुपमा आफ्नो छवि कायम गरेका थिए ।

मेयर पण्डितलाई उप–मेयरको रुपमा अम्बिका पौडेलले साथ दिने भएकी छिन् । उप–मेयरको टिकट पाउन सफल पौडेल नेकपा एमाले जिल्ला कमिटिकी सदस्य हुन् । उनी लामो समयदेखि अखिल नेपाल महिला संघमा कार्यरत रहेकी छिन् ।

यसँगै विदुर नगरपालिकाको चुनावी भिडन्त रोचक हुने देखिएको छ । माओवादी केन्द्रले मेयरको लागि प्रभा बोगटीको नाम सिफारिस गरेको छ भने कांग्रेसले आफनो उम्मेद्धवार अझै छनोट गर्न सकेको छैन ।

पौडेलले उप–मेयरको टिकट पाएसँगै अहिलेकी विदुर नगरपालिकाकी उप–मेयर गिता दाहाल रिङ आउट भएकी छिन् ।