एमालेबाट विदुरको मेयरमा १० र उपमेयरमा १३ जना आकांक्षी

विदुर खबर २०७८ चैत २९ गते १९:१५

नुवाकोट । नेकपा एमालेबाट विदुर नगरपालिकाको मेयरमा १० जना र उपमेयरमा १३ जना आकांक्षी देखिएका छन ।

Advertisement

मंगलवार भएको नेकपा एमाले विदुर नगर कमिटीको विस्तारित बैठकमा आंकाक्षीहरुको नाम संकलन गर्दा मेयरमा १० जना र उपमेयरम १३ जना पुगेका हुन ।

केन्द्रीय कमिटीका सदस्य तथा नुवाकोट जिल्ला ईन्चार्ज विन्दा ढुङ्गानाको प्रमुख आतिथ्यता र नगर कमिटीको अध्यक्ष नविन प्रधानको अध्यक्षतामा सम्पन्न भएको बैठकमा नेताहरुले सर्वसम्मत उम्मेदवार चयन गर्न प्रयास गरे पनि सफल हुन नसकेको हो ।
विदुर नगरपालिकाको मेयरमा नगरपालिकाका अहिलेका मेयर सन्जु पण्डित,रामकृष्ण खड्का, गणेश कुमार श्रेष्ठ, नारायण घिमिरे, रामहरि अधिकारी, शिवकुमार चित्रकार, अनुजकुमार श्रेष्ठ, ठाकुरप्रसाद गजुरेल, बुद्धिबहादुर प्रधान र देवचन्द्र भट्टले आकांक्षा राखेका छन ।

मेयरका आकांक्षीहरु सामुहिक रुपमा फोटो खिचाउँदै ।
Advertisement

उपमेयर पदमा अहिलेकाी उपमेयर गिता दाहाल, निर्मला अधिकारी, सावित्री प्याकुरेल, रिता थपलिया, इन्दिरा अधिकारी र बच्चुमाया सुनारीमगर आकांक्षी रहेका छन् ।

यस्तै अन्यमा रूपा थापा, डिल्लीराज गजुरे, कमला अधिकारी, लक्ष्मी प्रधान, अम्विका पौडेल, रजनी कार्की, पार्वती प्याकुरेलले आकांक्षा राखेको विदुर नगर कमिटिका सचिव अनुजकुमार श्रेष्ठले जानकारी दिए ।

Advertisement

नुवाकोटको सदरमुकाममा रहेको विदुर नगरपालिकामा २०७४ को स्थानीय तहको चुनावमा कांग्रेस र माओवादीका उम्मेदवारलाई हराउँदै एमालेको तर्फबाट मेयरमा सञ्जु पण्डित र उपमेयरमा गिता दाहाल विजयी भएका थिए । मेयर पण्डित र उपमेयर दाहालले अहिले पनि सोही पदमा आकाक्षा व्यक्त गरेका छन् ।

उप–मेयरका आकांक्षीहरु सामुहिक रुपमा फोटो खिचाउँदै ।

विदुर नगर कमिटिका सचिव अनुजकुमार श्रेष्ठका अनुसार मंगलबारको बैठकमा आकांक्षीहरुको नाम संकलन गरिएको बताए । यी नाममध्येबाट सर्वसम्मत उम्मेदवार चयनको प्रयास गर्ने र सफल नभए सबैको नाम प्रदेश कमिटीमा पठाउने उनले बताए ।

विदुर नगरपालिकाको निर्वाचन आफ्नो पक्षमा पार्न यतिखेर नुवाकोटमा राजनिति दलहरुले चुनावी अभियान तिव्र पारेका छन् । माओवादी केन्द्रले विदुरको मेयरमा प्रभा बोगटीलाई उम्मेद्धवार बनाउने निर्णय समेत गरेको छ ।

प्रतिक्रिया