नुवाकोटमा कांग्रेस, माओवादी र समाजवादीबीच गठबन्धन हुने

विदुर खबर २०७८ चैत १८ गते २१:५७
फाइल फोटो ।

नुवाकोट । नुवाकोटमा नेपाली कांग्रेस, नेकपा माओवादी केन्द्र र नेकपा एकीकृत समाजवादीको बीचमा गठबन्धन गर्ने सहमति भएको छ ।

Advertisement

केन्द्रीय नीति अनुसार जिल्लामा गठबन्धनको अधिकार पाएकाले नुवाकोटमा कांग्रेस, माओवादी र समाजवादीका नेताहरूले छलफल गरी प्रारम्भिक सहमति गरेर गठबन्धन गर्ने निर्णय गरेका छन ।

केन्द्रमा पाँच दलीय भए पनि नुवाकोटमा तीन दल मिल्ने भएका छन । नेपाली कांग्रेसका सभापति रमेशकुमार महत, नेकपा मओवादी केन्द्रका संयोजक पुष्प लामिछाने र नेकपा एकीकृत समाजवादीका नेता गोविन्द नेपालीको बीचमा गठबन्धन गर्ने र बाँकी भागवण्डाका लागि पुन छलफल गर्ने सहमति भएको छ ।

Advertisement

उनीहरू तीनै जनाले संयुक्त हस्ताक्षर गरेर विज्ञप्ति नै जारी गरेका छन । जिल्लास्तरमा गठबन्धनको निर्णय गर्ने सम्भवतः नुवाकोट पहिलो जिल्ला बनेको छ ।

नुवाकोटको १२ वटा पालिका मध्ये तीनमा नेतृत्वसहित एमाले, दुइमा माओवादी र ७ वटा पालिकामा नेपाली कांग्रेसले प्रमुख जितेका थिए । कांग्रेसले विदुर नगरपालिका, बेलकोटगढी नगरपालिका र तारकेश्वर गाउँपालिकामा गठबन्धन गर्न जोड गरेको छ भने माओवादी र समाजवादीले सबै पालिका र वडामा गठबन्धन गरेर जानुपर्ने बताएको छ ।

Advertisement

प्रतिक्रिया