फोनिज नुवाकोटको अध्यक्षमा पुन तामाङ

नुवाकोट । नेपाल आदिवासी जनजाती पत्रकार संघ (फोनिज) नुवाकोटको अध्यक्षमा पुन ः शत्तिमाया तामाङ दोहोरिएकी छिन् ।

शुक्रवार सम्पन्न चौथो जिल्ला अधिवेसनले तामाङलाई सर्वसम्मत रुपमा अध्यक्ष चयन गरेको हो । उपाध्यक्षमा राकेश डंगोल, सचिवमा सुनिल श्रेष्ठ र कोषाध्यक्षमा भगवती लामा चयन भएका छन ।

सदस्यहरुमा होमबहादुर तामाङ, सञ्जु तामाङ, भावना तामाङ, मनिष नगरकोटी र सर्मिला थापा मगर रहेका छन ।

अधिवेसनले केन्द्रीय प्रतिनिधिमा गमला लामा, नवदीप श्रेष्ठ, अनुजमान श्रेष्ठ र प्रदेश प्रतिनिधिमा राम श्रेष्ठ, भरतसन्तोषी लामा र प्रताप तामाङलाई चयन गरेको छ ।

जिल्ला अधिवेसनमा संवोधन गर्दै नेपाल आदिवासी जनजाती महासंघ जिल्ला समन्वय परिषद नुवाकोटका अध्यक्ष भगवान रानामगरले फोनिजलाई साथमा लिएर गतिविधिहरु सञ्चालन गर्दै जाने बताए । उनले आदिवासी जनजातीको उत्थान तथा व्यक्तित्व विकासमा तीनवटै सरकार जिम्मेवार हुनु आवस्यक रहेको बताए ।

यस्तै नेपाल पत्रकार महासंघ नुवाकोटका उपाध्यक्ष नवदीप श्रेष्ठले आफ्नो भाषा, संस्कार, पहिचानलाई आफू आवद्ध सञ्चार माध्यममा प्राथमिकता दिनलाई फोनिजमा आवद्ध पत्रकारहरुलाई आग्रह गरे । उनले जात विशेषको संस्कृति र इतिहासलाई लिखितरुपमा दस्तावेज बनाएर राख्न सकियो भने आगामी पुस्तालाई चिनो स्वरुप हस्तान्तरण गर्न सकिने बताए ।