वैकुण्ठजंग पाण्डे नेतृत्वको प्यानल घोषणा

नुवाकोट । नेपाली कांग्रेस नुवाकोटको क्षेत्र नम्बर २ को प्रदेश क को क्षेत्रीय सभापतिमा उम्मेदवारी दिएका बैकुण्ठजंग पाण्डेको प्यानल घोषणा गरिएको छ ।

बिहिबार पाण्डे नेतृत्वको समुहले नुवाकोटको क्षेत्र नम्बर २ को प्रदेश क का मख्य उम्मेदवारहरुको टुङ्गो लगाएको हो ।

सभापतिमा उम्मेदवारी दिएका बैकुण्ठजंग पाण्डे समुहको उप–सभापतिमा श्रीराम पाण्डे, विष्णुप्रसाद रिमाल रहेका छन् भने सचिवमा अच्युत रिजाल र देवेन्द्र गजुरेल रहेका छन् ।

यस्तै सहसचिवमा सन्तोषी लामा र महेश्वर अमात्य रहेका छन् । उनीहरुले टिम घोषणासँगै चुनावी अभियान तिव्र पारी नेता तथा कार्यकर्ता भेट्ने कामलाई तिव्रता दिएका छन् ।

कांग्रेसका पुराना नेता बैकुण्ठजंग पाण्डे यसअघि नै काग्रसको महाधिवेशन प्रतिनिधि र महासमिति सदस्यमा निर्वाचित भएका व्यक्ति हुन । कार्यकर्ता संरक्षणमा महत्वपूर्ण योगदान पुर्याउँदै आएका पाण्डेलाई जोसिला युवाहरुको साथ रहेको छ ।

वि.स. २०४२ सालदेखि नेपाली कांग्रेसको राजनितिमा लागेका पाण्डेसँग १५ वर्ष साविक बेलकोटगढी गाविसको सभापति भएर काम गरेको समेत अनुभव रहेको छ ।

क्षेत्रीय सभापतिमा उम्मेदवारी दिएपछि पाण्डे नेतृत्वको समुहले सहयोगका लागि पार्टी कार्यकर्तामा अपिल समेत गरेका छन ।

पाण्डे नेतृत्वको समुहहरुलाई नेपाली कांग्रेस नुवाकोटका हेवीवेट नेताहरु वरिष्ठ नेताहरू डा रामशरण महत, डा प्रकशशरण महत, बहादुरसिंह लामा र रमेश महत लगायतको साथ रहेको छ ।