नेतृ अमात्यले बालअश्रममा गएर सामुहिक भाइटिका लगाइन्

नुवाकोट । नेपाली कांग्रेसकी महिला नेतृ तथा नुवाकोट उद्योग वाणिज्य संघका वरिष्ठ उपाध्यक्ष गिता अमात्यले विदुरमा रहेको आमाको माया छात्रवास पुगेर अनाथ बालकहरुसँग सामुहिक भाइटिका लगाएकी छिन् ।

शनिवार भाइटिकाको अवसर पारेर अमात्यले विदुर नगरपालिका वडा नम्बर २ मा रहेको आमाको माया छात्रवासमा पुगेर आश्रममा रहेका बालकहरुसँग सामुहकि भाइटिका लगाएकी हुन् ।

छात्रवासमा रहेका बालकहरुलाई तिहार निरश नबनोस भनेर सामूहिक भाइटीका कार्यक्रमको आयोजना गरिएको महिला नेतृ अमात्यले जानकारी दिइन् ।

उनले चाडपर्वको समयमा आफन्तको कमी महसुस नहोस भनेर आश्रममा नै पुगेर सामुहिक भाइटिका लगाएको विदुर खबरलाई जानकारी दिइन ।

अमात्यले परिवारविहिन भएका बालकहरुलाई पारिवाकि मायाको साथै धर्म र संस्कृतिको विषयमा जानकारी दिन समेत सामुहिक भाइटिका कार्यक्रमको आयोजना गरिएको जानकारी दिइन् ।

अमात्यको अभियानलाई साथ दिन उनका परिवार समेत आश्रममा आयोजना गरिएको सामुहिक भाइटिकामा सहभागी भएका थिए ।

उनले यसअघि कोरोना भाइरसको महामारीको समयमा जिल्लाको विभिन्न स्थानमा गएर खाद्यान्न सहयोग गर्नुको साथै विभिन्न स्वास्थ्य संस्थामा स्वास्थ्य सामाग्री वितरण गरेकी थिइन् ।