किस्पाङ दुर्घटनाका घाइतेलाई निशुल्क उपचार गर्न गृहमन्त्रिको ध्यानाकर्षण

नुवाकोट । गत सोमवार किस्पाङ गाउँपालिका वडा नम्बर ५ मनकामनाको मानेगाउँमा भएको वस दुर्घटनाका घाइते र मृतकका आफन्तलाई राहात उपलब्ध गराउन किस्पाङ गाउँपालिकाले गृहमन्त्री बालकृष्ण खाँडको ध्यानाकर्षण गरेको छ ।

बिहिबार नगाउँपालिकाका अध्यक्ष छत्र लामा, संघिय सांसद वहादुरसिंह लामा लगायतको टोलीले गृहमन्त्री खाँडलाई भेटेर चारदिन अघि किस्पाङ दुर्घटनामा मृत्यु हुनु भएका रमेश तामाङलाई राहत र घाइतेहरुलाई उपचार सहज बनाउन माग गरेको हो ।

गाउँपालिकाको ध्यानाकर्षण पत्र बुझ्दै गृहमन्त्रि खाँडले दुर्घटनामा परि मृत्यु भएका परिवार र घाइतेलाई राहात उपलब्ध गराउने प्रतिवद्दता व्यत्त गरेको किस्पाङ गाउँपालिकाका अध्यक्ष छत्र लामाले जानकारी दिए ।

सोमवार मानेगाउँबाट काठमाण्डौतर्फ जान लागेको बा ४ ख ५७६२ नम्बरको वस दुर्घटना हुँदा ५२ जना घाइते हुनुको साथै एकजनाको उपचारको क्रममा मृत्यु भएको थियो ।