नुवाकोटमा थप एकजना कोरोना संक्रमितको मृत्यु

नुवाकोट । नुवाकोटमा थप एकजना कोरोना संक्रमितको मृत्यु भएको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा एकजना कोरोना संक्रमितको मृत्यु भएको हो ।

यससँगै जिल्लामा कोरोना संक्रमणबाट मृत्यु हुनेको संख्या ५० पुगेको स्वास्थ्य कार्यालय नुवाकोटका सुचना अधिकारी उत्तमराज खनालले जानकारी दिए ।

यस्तै पछिल्लो २४ घण्टामा जिल्लामा एकजना कोरोनामुक्त भएर घर फर्किएका छन् । यससँगै जिल्लामा कोरोनामुत्त भएर घर फर्कनेको संख्या ८ हजार एकसय ४२ पुगेको छ ।

त्यस्तै जिल्लामा कोरोना संक्रमितको संख्या ८ हजार २ सय १० पुगेको छ । यस्तै सक्रिय कोरोना संक्रमितको १८ पुगेको छ ।

सक्रिय कोरोना संक्रमितमध्ये १८ जना नै होम आइसोलेसनमा उपचाररत रहेको कार्यालयका सुचना अधिकारी खनालले बताए ।

नुवाकोटमा हालसम्म २८ हजार ६२ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।