किस्पाङ वस र्दुघटना : एकजनाको मृत्यु

नुवाकोट । नुवाकोटको किस्पाङ गाउँपालिका वडा नम्बर ५ मानेगाउँमा सोमवार विहान भएको वस र्दुघटनामा एक जनाको मृत्यु भएको छ ।

मृत्यु हुनेमा रमेश तामाङ रहेको जिल्ला प्रहरी कार्यालय नुवाकोटले जनाएको छ । उनको उपचारको क्रममा काठमाण्डौको ग्राण्डी अस्पतालमा मृत्यु भएको जिल्ला प्रहरीले जनाएको छ ।

भाल्चेबाट काठमाण्डौतर्फ जान लागेको बा ४ ख ५७६२ बस दुर्घटनामा परेको किस्पाङ गाउँपालिकाले जानकारी दिएको छ । दुर्घटनामा ४० जना घाइते भएको जिल्ला प्रहरी कार्यालय नुवाकोटले जनाएको छ ।

घाइतेमध्ये २७ जनाको त्रिशुली अस्पतालमा उपचार भइरहेको छ भने ८ जनालाई हेलिकप्टर मार्फत काठमाण्डौ लगिएको छ ।यस्तै केहि यात्रुहरु सामान्य उपचारपछि घर फर्किएको जिल्ला प्रहरी कार्यालय नुवाकोटले जनाएको छ ।

वसमा क्षमताभन्दा बढी यात्रु राख्दा र्दुघटना भएको बताइएको छ ।