नुवाकोटमा एकीकृत समाजवादीको जिल्ला कमिटि घोषणा

नुवाकोट । नेकपा एकीकृत समाजवादी पार्टीले नुवाकोटमा जिल्ला कमिटी गठन गरेको छ ।

एकीकृत समाजवादीले गोविन्द नेपाली संयोजक रहने गरी १ सय ५१ सदस्यीय जिल्ला कमिटी गठन गरेको हो ।

नेकपा एकीकृत समाजवादीका प्रवत्ता तथा युवा नेता विरोध खतिवडाको उपस्थितिमा एकिकृत समाजवादीले नुवाकोट जिल्ला कमिटी घोषण गरेको हो ।

जिल्ला कमिटी सदस्यमा एमालेबाट वडाअध्यक्ष तथा वडा सदस्य जितेकाहरूसहित जिल्लाका प्रभावशाली युवाहरु समेत रहेका छन् ।

यस्तै समाजवादी नुवाकोटको सल्लाहकारमा पुर्व सांसद राजेन्द्र प्रकाश लोहनी, सुर्य कँडेल र अच्युत पाण्डे रहेका छन् । जिल्ला कमिटी १ सय ५१ सदस्यीय हुनुपर्नेमा अन्य सदस्यपछि चयन गरिने संयोजक नेपालीले जानकारी दिए ।

शनिवार १ सय ३१ सदस्यीय जिल्ला कमिटिको नाम घोषणा गरिएपनि १९ जनाको नाम आवश्यकता अनुसार मनोनयन गर्ने बताइएको छ ।

यस्तै एकीकृत समाजवादी पार्टी नुवाकोटले एमाले अध्यक्ष केपी शर्मा ओलीले कम्युनिष्ट पार्टीलाई विभाजन गरेर निहित स्वार्थ पूरा गर्ने बाटो रोजेको आरोप एकीकृत समाजवादीले लगाएको छ ।