नेकपा एमाले नुवाकोटको जिल्ला कमिटि बैठक सम्पन्न

नुवाकोट । नेकपा एमाले नुवाकोटको १७ औ जिल्ला कमिटि बैठक शुक्रवार सम्पन्न गरेको छ ।

झण्डै ९ महिना समानान्तर कमिटि बनाएर माधव कुमार नेपाल पक्षमा लागेका जिल्ला अध्यक्ष नारायण प्रसाद खतिवडा पनि शुक्रवारको बैठकमा उपस्थिति भएका थिए ।

बैठकले बृहत् पार्टी एकताको भावनाको सम्मान गर्दै ७ निर्णय गरेको छ । बैठकले पार्टीको केन्द्रिय कमिटिबाट जारी भएको परिपत्र अनुसार जिल्ला कमिटि तथा मातहतको कमिटिको व्यवस्थापन गर्ने निर्णय गरेको छ ।

यस्तै विगतमा भएका कमिटि तथा समानान्त कमिटिहरुको जिल्ला कमिटिले स्वामित्व लिँने निर्णय गरेको छ । त्यस्तै १० दिनभित्र जिल्ला कमिटि तथा मातहतको कमिटि व्यवस्थापन गर्ने बैठकले निर्णय गरेको नेकपा एमाले नुवाकोटका नेता बद्री मैनालीले जानकारी दिए ।

यस्तै बैठकले आगामी असोज २५ गतेभित्र पार्टीको सदस्यता नविकरण गरिसक्ने, असोज १२ गतेभित्र सबै पालिका र वडाहरुको बैठक सम्पन्न गर्ने र असोज १४ गते जिल्लास्तरीय अगुवा कार्यकर्ता भेला गर्ने निर्णय गरेको नेता मैनालीले जानकारी दिए ।

यस्तै बैठकले नेकपा एमाले नुवाकोटको कोषाध्यक्षमा काशीराज अधिकारीलाई मनोनयन गर्ने निर्णय गरेको छ ।