राजा र जनताको एकताले मात्र राष्ट्रियता र प्रजातन्त्र वलियो हुन्छ : डा. लोहनी

नुवाकोट । राष्ट्रिय प्रजातन्त्र पार्टी (राप्रपा) का अध्यक्ष डा. प्रकाशचन्द्र लोहनीले राजा र जनताको एकताले राष्ट्रियता र प्रजातन्त्र सबल हुने बताएका छन् ।

नुवाकोटको विदुरमा राष्ट्रिय प्रजातन्त्र पाटी नुवाकोटको जिल्ला अधिवेशनलाई सम्बोधन गर्दे लोहनीले देश र जनतालाई एकताको सुत्रमा बाँध्न राजसंस्था आवश्यक भएको बताएका हुन् ।

डा. लोहनीले शासन जनताले गर्ने तर अभिभावकको रुपमा रहने राजसंस्था व्यवस्था चाहिएको बताए । राजा र जनताको एकतामा नै देश बलियो हुने हो, प्रजातन्त्र सुढृद हुने हो,’ राप्रपाका अध्यक्ष लोहनीले भने ।

फरक प्रसंगमा लोहनीले राष्ट्रपति विद्यादेवि भण्डारी समग्र नेपालको रााष्ट्रपति हुन नसकेर एउटा गुटको मात्रै राष्ट्रपति भएको भन्दै असन्तुष्टि समेत व्यत्त गरे ।

कार्यक्रममा विभिन्न दल परित्याग गरी राप्रपामा प्रवेश गर्ने एक दर्जन भन्दा बढीलाई अध्यक्ष लोहनीले स्वागत गरेका थिए ।

आज भएको अधिवेशनमार्फत राप्रपा नुवाकोटले नयाँ नेतृत्व पाउनेछ । तिन राप्रपा एक भएपछि जिल्लामा पहिलोपटक जिल्ला अधिवेशन भएको हो ।