नुवाकोटमा पछिल्लो २४ घण्टामा २२ जना कोरोना संक्रमित थपिए

नुवाकोट । नुवाकोटमा पछिल्लो २४ घण्टामा २२ जना कोरोना संक्रमित थपिएका छन् ।

स्वास्थ्य कार्यालय नुवाकोट अनुसार पछिल्लो २४ घण्टामा जिल्लामा ५३ जनाको पिसिआ र २५ जनाको एन्टीजेन परिक्षण गर्दा २२ जनामा कोरोनजा संक्रमण पुष्टि भएको स्वास्थ्य कार्यालय नुवाकोटले जनाएको छ ।

यससँगै जिल्लामा कोरोना संक्रमितको संख्या ८ हजार ५४ पुगेको कार्यालयका सुचना अधिकारी उत्तमराज खनालले बताए । पछिल्लो २४ घण्टामा भेटिएका कोरोना संक्रमितमध्ये सबैभन्दा बढी ११ जना विदुर नगरपालिकाका रहेका छन् ।

यस्तै शिवपुरी गाउँपालिकामा ५ जना कोरोना संक्रमित थपिँदा लिखु गाउँपालिकामा ३ जना संक्रमित भेटिएका छन् ।

यस्तै पन्चकन्या गाउँपालिकामा २ जना संक्रमित थपिँदा बेलकोटगढी नगरपालिकाका एकजनामा कोरोना संक्रमण पुष्टि भएको छ ।

यस्तै पछिल्लो २४ घण्टामा जिल्लामा २२ जना कोरोनामुत्त भएका छन् । यससँगै जिल्लामा कोरोनामुत्त भएर घर फर्कनेको संख्या ७ हजार ८ सय ८१ पुगेको छ ।

नुवाकोटमा हालसम्म ४७ जना कोरोना संक्रमितको मृत्यु भएको स्वास्थ्य कार्यालय नुवाकोटले जनाएको छ ।

हालसम्म जिल्लामा २७ हजार एक सय ४३ जनाको पिसिआर परिक्षण गरिएको कार्यालयको भनाइ रहेको छ ।