ढुङ्गेका ६ खाध्यान्न पसलमा अखाध्य वस्तु भेटियाे, कारवाही जम्मा दशहजार मात्र

नुवाकोट । जिल्ला प्रशासन कार्यालय नुवाकोटले सोमवार विदुर नगरपालिका वडा नम्बर १ ढुड्गेमा रहेको खाद्य पसलहरुको अनुगमन गरेको छ ।

अनुगमनको क्रममा व्यवसाय दर्ता नवीकरण, मूल्य सूची, नापतौल, खाद्यवस्तु उत्पादनको मिति, म्याद समाप्त मिति, खरिद बील र बिक्री बीलको निरीक्षण गरिएको थियो ।

अनुगमनको क्रममा व्यवसाय दर्ता नवीकरण नगरेको, मूल्य सूची नटासेको, , खाद्यवस्तु उत्पादनको मिति मिति उल्लेख नगरेको तथा म्याद समाप्त मिति उल्लेख नगरिएको, खरिद बील र बिक्री बील जारी नगरेको भन्दै आधा दर्जन खाद्य पसलहरुलाई कारवाही गरिएको छ ।

शुभलाभ स्टोर, भान्जा इन्टरप्राइजेज, बजरंग स्टोर्स, एस अधिकारी सप्लायर्स, कालिका मर्केटिङ , रिजाल स्टोस रहेका छन् । कारवाहीमा परेका प्रत्येक खाद्यान्न पसललाई १० हजार रुपैयाँ जरिमाना समेत तिराइएको उपभोत्ता हित संरक्षण मञ्च नुवाकोटका अध्यक्ष इन्द्र पण्डितले जानकारी दिए ।

कारवाही गरिएको पसलहरुलाई तत्काल कमजोरी हटाउन निर्देशन दिइएको नुवाकोटका सहायक प्रमुख जिल्ला अधिकारी बेदप्रसाद अर्यालले जानकारी दिए ।