नुवाकोटमै पहिलोपटक संगम सहकारीले शुरु ग¥यो मोबाइल बैंकिङ सेवा

नुवाकोट । नुवाकोटको विदुर नगरपालिका वडा नम्बर ४ बट्टार वसपार्क रोड संगम प्लाजामा रहेको संगम बचत तथा ऋण सहकारी संस्थाले मोबाइल बैंकिङ सेवा शुरु गरेको छ ।

शनिवार सहकारीले एक कार्यक्रमको आयोजना गरि मोबाइल बैंकिङ सेवा सञ्चालनमा ल्याएको हो । सहकारीको मोबाइल बैंकिङ सेवाको उदघाटन जिल्ला सहकारी संघ नुवाकोटका अध्यक्ष गोकर्ण न्यौपाने र जिल्ला सहकारी संघ नुवाकोटका पुर्व अध्यक्ष बैकुण्ठ मिश्रले संयुत्त रुममा गरेका हुन् ।

सहकारीले आधुनिक बैंकिङ प्रणालीका विविध सेवाहरु समावेश भएको “संगम स्मार्ट एप”को प्रयोग गरी सदस्यहरुले सबै किसिमका वित्तीय सेवा लिन सक्ने जानकारी दिएको छ ।

जिल्ला सहकारी संघ नुवाकोटका अध्यक्ष गोकर्णनाथ न्यौपानेले जिल्लामै पहिलोपटक सहकारीले मोबाइल बैंकिङ सेवा भित्र्याई प्रविधिमा फड्को मारेको बताए । उनले सहकारीले प्रविधिको क्षेत्रमा फडको मारेको भन्दै अन्य सहकारीलाई पनि यसले प्रविधिको क्षेत्रमा अगाडी बढ्न सहयोग गर्ने बताए ।

कार्यक्रममा राष्ट्रिय सहकारी बैंक नुवाकोटका समन्वय समितिका संयोजक बैकुण्ठ मिश्रले महामारीको समय सहकारीले सञ्चालनमा ल्याएको मोबाईल बैंकिंङ एपले समयको बचत हुने बताए ।

सुरक्षा पनि हुनुको साथै सजिलो रुपमा घरमै बसी संगम सहकारीको सेवा प्रयोग गर्न सकिने प्रविधि नुवाकोटमा पहिलोपटक भित्र्याएकोमा खुशी व्यक्त गरे । मोबाईल बैंकिंङको प्रविधिमा सदस्यहरुलाई संग्लन गराउने, प्रविधि र वैज्ञानिक रुपमा अगाडी बढाउन सहकारीले सूचना प्रविधिलाई व्यवस्थित गर्नुपर्ने छ। प्रत्यक्ष रुपमा मोबाईल बैंकिंङ एपले प्रविधिको पहुँचमा नभएका सहकारीको सदस्यहरुलाई पनि समेट्नुपर्ने छ। प्रविधिको युगमा बैंकिंङ प्रविधिलाई कसरी सुरक्षित भरपर्दो र वैज्ञानिक रुपमा अगाडी बढाउनुपर्ने हो त्यसमा ध्यान दिनु जरुरी रहेको बताए ।

यस्तै सहकारीका अध्यक्ष नारायण श्रेष्ठले सदस्यहरुले सुरक्षित, सरल र भरपर्दो तरिकाले कारोबार गर्न सहजता प्रदान गर्ने बताए । उनले सहकारीको रजतजयन्ती मनाउने क्रममा मोबाइल बैंकिङ एपको पहुँतालाई मध्यनजर गरि सदस्यहरुलाई प्राविधिक साक्षरता कार्यक्रम पनि संचालन गरिने बताए ।

मोबाइल बैंकिङ सेवा अन्तर्गत इन्टरनेट बैंकिङ, बीमा भुक्तानी, बैंक, हवाई टिकट र लघुवित्तको खाताबाट खातामा रकम जम्मा गर्न र अन्तर बैंक भुक्तानी गर्न सकिने सहकारीका कोषाध्यक्ष तथा सूचना प्रविधि उपसमितिका संयोजक दिनेशकुमार श्रेष्ठले जानकारी दिए ।

संगम बचत तथा ऋण सहकारीमा खाता सञ्चालन गरी ग्राहकहरुले मोबाईल नं. रजिस्टर गरी सजिलो रुपमा यो सेवा लिन सकिने र इन्टरनेट बैंकिङमा संगमको बचत खाता र कर्जा खाताको विवरण, चेक रिक्वेस्ट, फण्ड ट्रान्सफर, मोबाईल, टिभी, इन्टरनेट, विद्युत, खानेपानी र टेलिफोन महसुल भुक्तानीलगायत सेवा उपलब्ध हुने बताए ।

 

कोभिड–१९ महामारीका समयमा प्रविधि प्रयोगमार्फत सदस्यहरुको वित्तीय आवश्यकता पूरा गर्न र प्रविधिमैत्री वित्तीय सेवालाई प्राथमिकता दिने उद्देश्यसहित प्रविधि प्रयोगमा जोड दिइएको सहकारीले जनाएको छ ।

सहकारीले पहिलो एकसय जनालाई मोबाइल बैंकिङ एप प्रयोगकर्तालाई बैंकिङ कारोबार गर्दा कुनै पनि शुल्क नलाग्ने बताईएको छ । साथै एपमार्फत कारोबार गर्दा मासिक रुपमा क्यासब्याकमा प्राप्त रकम मासिक रुपमामा खातामा जम्मा गर्ने छ ।

संगम सहकारीले सहकारीतर्फ नुवाकोटमा पहिलोपटक मोबाइल बैंकिङ सेवा सुरु गरेको हो । हाल सहकारीमा ६७५ सय शेयर सदस्य रहेको जनाएको छ ।