नुवाकोटमा पछिल्लो २४ घण्टामा ४६ जना कोरोनामुत्त

नुवाकोट । नुवाकोटमा पछिल्लो २४ घण्टामा ४६ जना कोरोनामुत्त भएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ४६ जना कोरोनामुत्त भएका छन् । यससँगै जिल्लामा कोरोनामुत्त हुनेको संख्या ७ हजार ५ सय ३ पुगेको छ ।

यस्तै जिल्लामा सक्रिय कोरोना संक्रमितको संख्या ३ सय १५ मा झरेको छ । सक्रिय कोरोना संक्रमितमध्ये २ सय ८३ जना होम आइसोलेसनमा, १६ जना अस्पतालमा र १६ जना नै आइसोलेसन सेन्टरमा उपचाररत रहेको स्वास्थ्य कार्यालय नुवाकोटले जनाएको छ ।

हालसम्म जिल्लामा ७ हजार ८ सय ६२ जनामा कोरोना संक्रमण पुष्टि भएको छ । जसमध्ये ४४ जनाको मृत्यु भएको स्वास्थ्य कार्यालय नुवाकोटका सुचना अधिकारी उत्तमराज खनालले जानकारी दिए ।

नुवाकोटमा हालसम्म २६ हजार ३ सय १० जनाको पिसिआर परिक्षण गरिएको स्वासथ्य कार्यालय नुवाकोटले जनाएको छ ।