कर्णालीका विभिन्न राजमार्ग अवरुद्ध

नुवाकोट । अविरल वर्षाले कर्णाली प्रदेशका विभिन्न ठाउँमा पहिरो जाँदा राजमार्ग अवरुद्ध भएको छ ।

कर्णालीका प्रदेशका सुर्खेत–नेपालगञ्ज सडकखण्ड र कर्णाली राजमार्गका विभिन्न ठाउँमा पहिरो जाँदा अवरुद्ध भएको हो ।

सुर्खेतको भेरीगंगा नगरपालिका–५ हर्रेमा सुर्खेत–नेपालगञ्ज सडकखण्डमा राती परेको अविरल वर्षातका कारण ढुंगा, माटोसहितको पहिरो आई बाटो पूर्णरुपमा अवरोध भएकोमा अहिले एकतर्फी खुलाइएको कर्णाली प्रदेश प्रहरी कार्यालयले जनाएको छ ।

त्यस्तै, कर्णाली राजमार्ग अन्तर्गत दैलेख दुल्लु नगरपालिका–२ सुवाछेडा र गुराँस गाउँपालिका–१ मैनखोलामा वर्षाले पहिरो खस्न गई कर्णाली राजमार्ग अवरुद्ध भएको कर्णाली प्रदेश प्रहरी कार्यालयले जनाएको छ ।

अवरुद्ध राजमार्ग खुलाउने प्रयास भइरहेको प्रहरीले जनाएको छ ।