नेपाली बक्सर छिरिङ्ग सेमिफाइनलमा

नुवाकोट । नेपाली मुक्केबाज छिरिङ्ग शेर्पा वा‌ङ्गडी दुबईमा जारी एएसबीसी युथ एन्ड जुनियर बक्सिङ च्याम्पियनसिपको सेमिफाइनलमा प्रवेश गर्न सफल भएका छन् ।

आइतबार भएको ५४ केजी तौलसमूहको क्वार्टरफाइनलमा उनले कुवेती खेलाडी मोहमद एलेनेजीलाई अंकको आधारमा हराउँदै सेमिफाइनलमा स्थान पक्का गरेका हुन् ।

योसँगै नेपालले जारी प्रतियोगितामा दोस्रो पदक पक्का गरेको छ ।