गेर्खु शहरी स्वास्थ्य केन्द्रलाई सहयोग

नुवाकोट । नुवाकोटको विदुर नगरपालिका वडा नम्बर ११ मा उपल्लो गेर्खुमा रहेको शहरी स्वास्थ्य केन्द्रलाई स्थानिय जर्नादन न्यौपानेले विविध सामाग्री सहयोग गरेका छन् ।

न्यौपानेले आफ्नी स्वर्गीय हजुरआमा लोकमाया न्यौपानेको ४५औं दिनको पुन्य थितिको स्मृतिमा गेर्खु शहरी स्वास्थ्य केन्द्रलाई कुर्सी, खानेपानीको जार लगायतका सामाग्री उपलब्ध गराएका हुन् ।

उक्त सामाग्री विदुर नगरपालिका वडा नम्बर ११ का वडाध्यक्ष तोयानाथ तिमिल्सिनाले गेर्खु शहरी स्वास्थ्य केन्द्रका ईन्चार्ज लेखतवहादुर गजुरेललाई हस्तान्तरण गरेका हुन् । वडाध्यक्ष तिमिल्सिनाले सबैको सहयोगमा स्वास्थ्य केन्द्रलाई सवल बनाउनुपर्ने बताए ।

यस्तै हजुरआमा पुन्य थितिको स्मृतिमा विभिन्न सामाग्री उपलब्ध गराएका न्यौपानेले थोरै सामान भएपनि स्वास्थ्य संस्थालाइृ सहयोग गर्न पाएकोमा खुशी व्यक्त गरे ।

कार्यक्रममा नेपाली कांग्रेस विदुर नगरपालिका वडा नम्बर ११ का वडा सभापति शेरबहादुर घले लगायतको उपस्थिति रहेको थियो ।