Advertisement

उनका अनुसार पोल ढलेको क्षेत्रमा बिहानैदेखि विद्युत आपूर्ति बन्द गरिएकोे छ । विद्युत सेवा प्रभावित हुँदा बेलकोट, रानीपौवा र खरानीटार गाउँ अन्धकार भएका छन् । क्षति पुगेका स्थानमा नयाँ फलामे पोल परिवर्तन गरेर मंगलबार साँझसम्ममा आपूर्ति नियमति गरिने प्राधिकरणले जनाएको छ ।

यस्तै, भारी वर्षाका कारण भक्तपुरका आधा दर्जन बढी स्थानमा पनि विद्युत आपूर्ति बन्द भएको छ । भक्तपुर वितरण केन्द्र अन्तर्गत कटुन्जे फिडरका ६ वटा ट्रान्सफर्मर बन्द गरिएको छ । कटुन्जेमा एउटा विद्युतीय पोल ढल्ने अवस्थामा पुगेकाले दुुर्घटना हुन नदिन आपूर्ति बन्द गरिएको वितरण केन्द्र प्रमुख प्रज्वलमान श्रेष्ठले बताए । उनका अनुसार कटुन्जे फिडर प्रभावित हुँदा काभ्रेको सीमा र रानीकोट क्षेत्रको विद्युत सेवा अवरुद्ध भएको छ । जिर्ण पोल परिवर्तन गरेर आपूर्ति नियमित गरिने भएको छ ।

Advertisement

यस्तै, नगरकोट फिडर अन्तर्गत खरिपाटी माथिको होटल एरियाको आपूर्ति बन्द छ । यस क्षेत्रको आपूर्ति नियमित गर्न प्राविधिक टोली खटाइएको वितरण केन्द्रले जनाएको छ । नलिन चोकमा हरियो बाँस लत्रिएर ११ केभी लाइनलाई छोएपछि दुर्घटना हुन नदिन आपूर्ति बन्द गरिएको पनि श्रेष्ठले बताए । नलिन चोक फिडर प्रभावित हुँदा कुडाल, बागेश्वरी, क्यामासिंह वरपरको विद्युत सेवा प्रभावित भएको छ । लत्रिएको बाँस काटेर आपूर्ति नियमित गरिने प्राधिकरणले जनाएको छ । वर्षाले ठिमी वितरण केन्द्र अन्तर्गत बालकुमारी फिडरको सिरुटार क्षेत्रको आपूर्ति पनि प्रभावित भएको छ । वितरण लाइन फल्ट हुँदा आपूर्ति बन्द भएको केन्द्र प्रमुख पार्थ श्रेष्ठले बताए । वितरण लाइनको फल्ट पहिचान गर्न प्राविधिक टोली खटाइएको छ ।