प्रहरी दमनविरुद्ध नुवाकोटमा २० मिनेट चक्काजाम

नुवाकोट । नुवाकोटमा आज साँझ २० मिनेट चक्काजाम गरिएको छ ।

संयुक्त विद्यार्थी संगठनले आयोजना गरेको शान्तिपुर्ण आन्दोलनमा प्रहरीले दमन गरेको भन्दै विभिन्न पार्टीका विद्यार्थी संगठनले बट्टारमा २० मिनेट चक्काजाम गरेको अनेरास्ववीयु क्रान्तिकारी नुवाकोटका संयोजक विनोद कोइरालाले जानकारी दिए ।विद्याथीहरुले साँझ ७ : ३५ देखि ७ :५५ सम्म चक्काजाम गरेका हुन् ।

यसअघि विद्यार्थीहले गरेको प्रर्दशन भाइरसको भ्याक्सिनको सहज उपलव्धता र वढ्दो महङ्गी नियन्त्रण गर्न सरकारसँग माग राख्दै बट्टार बजारमा प्रर्दशन गरेका थिए ।

विद्यार्थीको प्रर्दशनमा प्रहरीले हस्तक्षेप गर्दा केही समय बट्टार बजार तनावग्रस्त भएको थियो ।

प्रर्दशनमा प्रहरीले लाठी चार्ज गर्दा अखिल क्रान्तिकारी नुवाकोटका अध्यक्ष विनोद कोईराला लगाएत घाईते भएका छन् । उनको हातमा चोट लागेको छ ।