नुवाकोटमा ९७ वर्षिया बृद्धा कोरोनामुत्त भएर घर फर्किइन

नुवाकोट । नुवाकोटको किस्पाङ गाउँपालिकाकी ९७ बर्षीया एक वृद्वाले कोभिड– १९ लाई जितेर घर फिर्ता भएकीे छिन् ।

यहि असार १ गते कोरोना पोजेटिभ भएर किस्पाङ गाउँपालिका वडा नम्बर ४ की ९७ बर्षीया सोनाम घलेलाई उपचारको लागि त्रिशुली अस्पतालमा भर्ना गरिएको थियो ।

अस्पतालमा उपचाररत उनको ूवास्थ्य अवस्था सुधार भई पुन पिसिआर परिक्षण गर्दा उनको पिसिआर नेगेटिभ आएकोले डिस्चार्ज गरिएको त्रिशुली अस्पतालका मेडिकल सुपरिटेन्डेन्ट डा दीपेन्द्र पाण्डेले जानकारी दिए ।

उनको अवस्था सामान्य बनेपछि उनलाई घर पठाइएको डा. पाण्डेले जानकारी दिए ।

९७ वर्षको उमेरमा कोरोना जित्ने घले नुवाकोटको सबैभन्दा बढी उमेरको रहेको अस्पतालले जानकारी दिएको छ ।